Plantun de Prouvènço

Pèr coumpara dos planto d'encò nostre

Juncus hybridus & Egeria densa

Juncus hybridus

Juncaceae

Nom en français : Jonc hybride.

Descripcioun :
Lou jounc-bastard douno d'èr au coumun jounc-petit. Coume éu es uno planto de l'an, se n'en destrìo pamens qu'èi mai fort e subretout que si flour soun groupado pèr 2 à 6 coume uno meno de penche o de ventau (fotò). Trachis dins li tepiero pèr cop umido, subretout proche de mar, mai se pòu trouba mai dins li terro. Soun partisoun èi pas bèn couneigu .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Prado umido - Mar
Estànci : Termoumediterran à Mesoumediterran
Couroulougi : Pancaro entresigna
Ref. sc. : Juncus hybridus Brot., 1804

Eloudèio(-espesso)

Egeria densa

Hydrocharitaceae

Nom en français : Élodée dense.

Descripcioun :
L'éloudèio-espesso, que nous vèn de l'Americo dóu miejour, trachis en coulounìo dins l'aigo tranquilo. Se recounèis à si fueio groupado pèr mai que tres (subretout en aut di cambo), longo de 10 à 13 mm e proun torso vers lou bas. Au nostre, i'a soulamen de flour masclo, de gròssi flour, à la fin de l'estiéu, que dounon d'èr à li de l'Hydrocaris. Coumpara emé l'eloudèio-dóu-Canada que ié sèmblo proun, mai si fueio soun toujour groupado pèr tres.

Usanço :
Es uno planto envahissènto mens coumuno que sa cousino dóu Canada, pamens es en trin de s'espandis proun rapidamen. Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 150 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Egeria
Famiho : Hydrocharitaceae

Ordre : Alismatales

Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Avoust à setèmbre

Liò : Aigo - Lono - Roubino - Ribiero
Estànci : Termoumediterran à Coulinen
Couroulougi : Óurigino Americo-Sud
Ref. sc. : Egeria densa Planch., 1849 (= Elodea densa (Planch.) Casp. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus hybridus & Egeria densa

Coumpara Jounc(-bastard) emé uno autro planto

Coumpara Eloudèio(-espesso) emé uno autro planto